Program: Bougainville Independence redi wok monitoring na evaluation

Autonomous Bougainville Gavman em iwok long karim aut ol strategy na ol program blong meksua olsem displa autonomous region blong Papua New Guinea, em i redi long kisim independence.

Displa wok em i gohet aninit long tripla ol "silent strategy" we igat tripla program blong internal preparation, National Preparation olsem ol konsaltesen wantaim PNG Gavman, na international preparation wantaim ol narapela kantri, agency na organisation.

Public Relations Officer long ABG Independence Mission Implementation, Joseph Morokana itok igat ol independence committee tu long olgeta 33 Constituency na long ol 441 ward insait long displa autonomous region blong karim aut displa independence redi wok.

Mr Morokana itok wok igohet to long sait long monitoring na evaluation blong ol 6pla ol benchmark long sait long independence redi insait long ol wanwan constituency na ol wards.