Bougainville Police Service ibin askim long Police headquarters long Port Moresby long tok orait, directive na help blong ol long inverstigetim hau tupla man blong Bougainville ibin lus long solwara, taim narapela 6pla man we igo long sem boat oli painim ol alaev.
Chief blong Bougainville Police Service, PNG Deputy Police Commissioner Francis Tokura ibin mekim displa aslkim long mun March yet.
Displa ol 8pla man ibin lusim Lihir long New Ireland long wanpla liklik boat long namba 27 long mun January yet long go long Buka, tasol oli lus igo inap long wanpla forem fishing boat i painim 6pla long ol long biksolwara long namba 26 long February na bringim ol igo long Tarawa long Kiribati.
Bihain oli flaim ol displa sikispla survivour igo long Fiji na igo long Port Moresby.
Long letter blongen long namba 24 blong March, Deputy Commissioner Tokura i askim long ol Homicide Crime Investigators long Boroko long help blong ol, bihain long ol family na wanpisin blong tupla man we ilus ia i dimand long save wanem trutru ibin kamap long tupla, na oli koros na itok long bai oli killim dai ol survivors.
Port Moresby based lawyer, Desmond Aigilo husat i makim family blong Reinhart Bukil, em wanpla long tupla we i lus ia, itokim niusmeri Kuntamari Crofts olsem displa em i nao long han blong ol police na oli mas karim aut investigesen longen.
Credits
Image Details
Naman Kevon (skipper) i lus yet na tu Reinhart Bukil