Wanpla sinia politisan insait long gavman blong Vanuatu em ino laikim wei we Gavman blong Australia em i wok long go raun long rijin long traim na explenim displa nuclear-powered submarine blongen aninit long displa AUKUS security wok wantaim United Kingdom na United States.
First Deputy Speaker blong Vanuatu Palamen, Andrew Napuat itok, em ino mekim eni sens long ol Australian Gavman offisol i go raun long rijin long toktok longen bihain ol wok long bildim displa nuclear-powered submarine i gohet pinis.
Mr Napuat husat ibin minista blong Internal Affairs, itok olsem bihain long sampla Australia Gavman representative ibin go toktok wantaim ol Gavman Minista na ol Memba blong Palamen long Port Vila long Tuesday displa wik.
Infomesen long Australia Gavman Defence itok ol wok long displa kain nuclear-powered submarine we igat ol niupla kain samting blong pait iwok long gohet pinis.
Mr Napuat em man we isave sanap strong tu long regional treaty blong nuclear-free Pacific,
Credits
Image Details
AUKUS leaders long San Diego, US (ABC-Reuters)