Ol pipal long Porgera arasaet long Mulitaka we bikpla graon bruk ibin kamap long en long Papua New Guinea Enga provins nau iwok long bungim planti hevi iet.
Ol kaen heve em ol pipal iwok long bungim em olsem prais blong ol kaikai long stua na long ol maket, iwok long go antap tumas na tu sampla pipal iwok long sasim bikpla moni long ol pipal imas baem long wokabaut long ol rot.
Paiam Town Mayor bifo Pakela Pana itok ol pipal nau isave lukluk na baem ol kaikai ikam long Mt.Hagen na Wabag.
Despla landslide ibin brukim tu bikpla rot igo long Porgera, tasol nau gavman i statim pinis ol wok long bildim narapla rot we ol pipal i ting bai nap helpim long daonim ol prais blong ol samting.
ABC ripota long Port Moresby Theckla Gunga ibin askim Mr Pakela Pana long stori moa long despla ol wari.
Credits
Image Details
Mama na pikinini long Pogera. Photo: Sarah Knuckey